سياسة الخصوصية

آخر تحديث: 25 أكتوبر 2026

1. من نحن

«دورك» (dorak.org) نظام لمناداة الطلبات يستخدمه المطاعم والكوفيهات المشتركة فيه. لما تمسح باركود محل، تفتح صفحة طلبك اللي يقدمها لك هذا المحل عن طريق دورك.

المحل هو المسؤول عن بيانات عملائه واستخدامها، ودورك يقدم له النظام اللي يحفظها ويعالجها نيابة عنه وحسب هذي السياسة.

2. وش البيانات اللي نجمعها؟

ما نجمع اسمك، ولا موقعك، ولا أي بيانات دفع، ولا نستخدم ملفات تتبع إعلانية.

إحصائيات الزوار: نستخدم Google Analytics في الصفحة الرئيسية لموقع dorak.org وهذي الصفحة فقط، لمعرفة عدد الزوار ومن وين جوا بشكل عام. صفحة متابعة الطلب ما فيها أي أداة تتبع.

3. مين يقدر يشوف بياناتك؟

• المحل اللي طلبت منه: يشوف رقمك إذا سجلته، ويقدر يتواصل معك بخصوص طلبك. ويرسل لك عروض فقط إذا وافقت.
• إدارة دورك: تقدر توصل للبيانات لأغراض الدعم الفني، وحل المشاكل والشكاوى، وحماية النظام.
• مزودي الخدمة التقنية: البيانات محفوظة على خدمات سحابية موثوقة (Google Firebase وNetlify)، وممكن تكون خوادمها خارج المملكة.

ما نبيع بياناتك، وما نشاركها مع أي جهة ثانية، إلا إذا طلبتها جهة رسمية بموجب نظام.

4. كم نحتفظ ببياناتك؟

• تنبيه الواتساب الخاص بالطلب: ينحذف تلقائيًا أول ما تستلم طلبك.
• سجل رقمك عند المحل: يبقى لين تطلب حذفه، أو يحذفه المحل، أو ينتهي اشتراك المحل في دورك.
• إحصائيات الطلبات (أوقات التحضير وعددها): تُحفظ بدون أي رقم جوال.

5. حقوقك

حسب نظام حماية البيانات الشخصية في المملكة العربية السعودية، لك الحق:

• تعرف وش البيانات المحفوظة عنك.
• تطلب تصحيحها أو حذفها.
• تسحب موافقتك على العروض في أي وقت.

تقدر تطلب هذا من المحل مباشرة، أو تتواصل معنا على الواتساب: 0567470878 أو الإيميل: info@dorak.org، ونرد عليك خلال مدة معقولة.

6. أمان البيانات

كل محل له حساب مستقل محمي بكلمة مرور، وأرقام العملاء ما يقدر يشوفها إلا المحل نفسه وإدارة دورك. والاتصال بالموقع مشفّر (HTTPS).

7. تحديث السياسة

ممكن نحدّث هذي السياسة من وقت لثاني، ونكتب تاريخ آخر تحديث أعلى الصفحة.