طلبك جاهز؟
جوالك يعلمك.
العميل يمسح الباركود ويقعد مرتاح. أول ما تضغط «جاهز» يرن جواله ويهتز. بدون أجهزة، وبدون تطبيق.
- جاهز في دقيقتين
- بدون أجهزة
- بدون عقود
أربع خطوات، وما يتغيّر شي في شغلك
يمسح الباركود
بكاميرا جواله من الستاند اللي على الكاونتر، ويكتب رقم طلبه. بدون أي تطبيق.
يقعد مرتاح
ما يحتاج يوقف عند الكاونتر ولا يشيل جهاز. يتابع طلبه من جواله وهو قاعد.
تضغط «جاهز»، يرن جواله
زر واحد في لوحة الكاشير، ويرن جوال العميل ويهتز، ورقمه يطلع على شاشة المحل. وفي باقة الواتساب يوصله واتساب بعد.
يستلم ويقيّمك
بعد الاستلام نطلب تقييمه. الراضي نوجّهه لقوقل ماب، والملاحظة توصلك أنت بس.
أقل زحمة، وأرقام تعرف منها محلك
تعرف كم ياخذ كل طلب
وقت التحضير، وكم انتظر العميل بعد ما جهز، وأزحم ساعاتك. يوم بيوم، ومقارنة بالأسبوع اللي قبله.
تقييمات قوقل أكثر
الراضي نرسله لقوقل ماب يقيّمك، واللي عنده ملاحظة توصلك أنت، مع رقم طلبه ووش اللي ما عجبه.
ولا ريال على أجهزة
طقم البيجر يكلّف مئات الريالات ويحتاج صيانة. جوال العميل يكفي.
الكاونتر يفضى
العميل يقعد، وما يقوم إلا لما يرن جواله. ولا أحد يسأل «طلبي جاهز؟».
شعارك وألوانك
صفحة العميل وشاشة العرض والستاند المطبوع، كلها بهوية محلك.
واتساب لعملائك (باقة الواتساب)
العميل يسجّل رقمه، ويوصله تنبيه واتساب لما يجهز طلبه. وتصير عندك قائمة عملاء وافقوا على عروضك، تسوّق لهم متى ما بغيت.
شاشة عرض للمحل
تلفزيون أو تابلت يعرض «قيد التحضير» و«جاهز» بخط كبير.
نفس الفكرة، بدون وجع الراس
| أجهزة البيجر | دورك | |
|---|---|---|
| التكلفة في البداية | مئات الريالات للطقم | ولا ريال |
| الضياع والشحن والصيانة | مشكلة كل أسبوع | ما فيه أجهزة |
| تقارير وقت التحضير والذروة | لا | نعم |
| تقييمات قوقل | لا | نعم |
| أرقام العملاء للتسويق | لا | نعم، بموافقتهم |
| المدى | داخل المحل بس | وين ما كان العميل |
أسعار واضحة، لكل فرع
جرّب أي باقة ١٤ يوم مجانًا. وبعدها تختار.
الباقة الأساسية
لكل كوفي ومطعم يبي يودّع البيجر.
- طلبات بلا حد
- رنة واهتزاز على جوال العميل
- لوحة الكاشير وشاشة العرض
- شعارك وألوانك وستاند QR جاهز للطباعة
- تقارير وقت التحضير والذروة
- تقييمات قوقل
باقة الواتساب
كل شي في الأساسية، ووصول أوسع لعملائك.
- كل مميزات الأساسية
- تنبيه واتساب لما يجهز الطلب
- قائمة عملائك اللي وافقوا على العروض
- تصدير الأرقام للتسويق
باقة قائمة الانتظار
للمطاعم اللي عندها زحمة على الطاولات.
- كود عند الباب، والعميل يسجّل اسمه وعدد الأشخاص
- يرن جواله أول ما تجهز طاولته
- يشوف دوره وكم قدامه
- تحليلات: الحجوزات والملغي ومتوسط الانتظار
- تقييم العميل بعد ما يجلس
- شعارك وألوانك
الباقة الشاملة
للمطاعم اللي تبي مناداة الطلبات وقائمة الانتظار مع بعض.
- كل مميزات باقة الواتساب
- قائمة الانتظار وتحليلاتها
- تقييم العملاء بعد الطلب وبعد الجلوس
عندك أكثر من فرع أو سلسلة؟ كلّمنا ونجهّز لك سعر خاص.
اللي يسألون عنه أصحاب المحلات
هل لازم العميل يحمّل تطبيق؟
لا. يمسح الباركود بكاميرا جواله وتنفتح صفحة طلبه على طول.
لو قفل العميل الصفحة، يوصله التنبيه؟
إيه. في جوالات الأندرويد يوصله إشعار ويرن حتى لو جواله مقفل. وفي الآيفون ترن الصفحة وهي مفتوحة، ولو طلع منها ورجع ترن له على طول. وفي باقة الواتساب يوصله واتساب بعد.
عندي مطعم وفيه زحمة على الطاولات، يفيدني؟
إيه. فيه «باقة قائمة الانتظار» للمطاعم: العميل يمسح كود عند الباب ويسجّل اسمه وكم شخص معه، ويروح يتمشى. أول ما تفضى طاولة تضغط «نادِه» ويرن جواله.
أحتاج أجهزة؟
لا. جوال أو تابلت للكاشير، وستاند QR نطبعه لك. وإذا تبي شاشة عرض، أي تلفزيون أو تابلت يكفي.
يشتغل مع الكاشير اللي عندي؟
إيه. الكاشير يكتب رقم الطلب من الفاتورة في ثانيتين، وما تتغير طريقة شغلك.
كم ياخذ التجهيز؟
دقايق. نسوي حساب محلك، وتحط شعارك، وتطبع الستاند، وتبدأ.
وش يصير بعد التجربة؟
تختار الباقة الشهرية أو السنوية. وإذا ما كمّلت، يتوقف الحساب بدون أي رسوم.
بيانات عملائي آمنة؟
إيه. أرقام عملائك ما يشوفها إلا أنت، ولا نسوّق لهم إلا اللي وافقوا. شوف سياسة الخصوصية.